७ चैत, बेलबारी । मोरङको लेटाङमा स्थानीयको आक्रमणमा हिजो एक जना प्रहरीको मृत्यु भएपछि जिल्ला प्रशासन कार्यालय मोरङले आज बिहान ७ बजेदेखि कर्फ्यु आदेश जारी गरेको छ ।
प्रमुख जिल्ला अधिकारी काशिराज दाहालले आज बिहान ७ बजेदेखि अर्को आदेश नभएसम्मको लागि कर्फ्यु आदेश जारी गर्नुभएको हो ।
दक्षिणमा लेटाङ नगरपालिका वडा नं. ३ र ४ को गंगेचोक र कमलपुर क्षेत्र, लटाङ नगरपालिका वडा नम्बर ५ को सबै क्षेत्र, उत्तरमा लेटाङ नगरपालिका वडा नं. ६ को वडा कार्यालय क्षेत्र, पूर्वमा मोरङे खोला क्षेत्र र पश्चिममा चिसाङ खोला क्षेत्रमा कर्फ्यु लगाइएको छ । त्यहाँको अवस्था नियन्त्रणमा लिन कर्फ्यु आदेश जारी गरेको प्रजिअ दाहालले जानकारी दिनुभयो ।
यौन दुर्व्यवहारका आरोपी शिक्षकलाई पक्राउ गर्न गएको प्रहरी टोलीमाथि आइतबार स्थानीयले आक्रमण गर्दा प्रहरी जवान उर्मिला श्रेष्ठको मृत्यु भएको थियो । आरोपीलाई बचाउने प्रयास भएको गलत बुझाईको कारण घटना भएको हो ।
फोटोमा हालको लेटलेटाङमा बिहानैदेखि कर्फ्यु लगाइयो (फोटो सहित)
