३० भाद्र, विराटनगर । प्रदेश १ मा थप पाँच जना मन्त्री नियुक्त्त भएका छन् ।
बुधबार मुख्यमन्त्री भीम आचार्यले दोस्रो पटक मन्त्रिपरिषद् विस्तार गर्दै झापाका हिराकुमार थापालाई भूमि व्यवस्था, कृषी तथा सहकारी र संखुवासभाका तुलसी न्यौपानेलाई आर्थिक मामिला तथा योजना मन्त्री नियुक्त्त गरेका छन् ।
यसैगरी सोलुखुम्बुका उत्तमकुमार बस्नेतलाई उद्योग, पर्यटन, वन तथा वातावरण राज्यमन्त्री, मोरङका ज्ञानेश्वर राजवंशीलाई समाजिक विकास राज्यमन्त्री र मोरङका लिलाबल्लभ अधिकारीलाई आन्तरिक मामिला तथा कानुन राज्यमन्त्री बनाइएको छ ।
भदौ १० गते मुख्यमन्त्रीमा नियुक्त्त भएका आचार्यले भदौ ११ गते तेह्रथुमका लछुमन तिवारीलाई उद्योग, वन, पर्यटन र ताप्लेजुङका बलबहादुर साम्सोहाङलाई समाजिक विकासमन्त्री नियुक्त गरेका थिए । प्रदेश १ मा अझै भौतिक पूर्वाधार मन्त्रालय मन्त्रीविहीन छ ।
आजै बसेको विपक्षी गठबन्धनले असोज ८ गतेभित्र विश्वासको मत लिइसक्न र नलिए अविश्वासको प्रस्ताव दर्ता गर्न बाध्य हुने मुख्यमन्त्री आचार्यलाई चेतावनी दिने निर्णय गरेको छ ।
तर यता मुख्यमन्त्री आचार्यले भने आसोज २२ गते प्रदेशसभाको विशेष अधिवेशन बोलाउन प्रदेश प्रमुखसमक्ष सिफारिश गरेका छन् ।
