१८ बैशाख, बेलबारी । जनता समाजवादी पाटीका सांसद डा. सुरेन्द्र यादवले आज राष्ट्रिय मानव अधिकार आयोगका उजुरी दिएका छन। उनले नेकपा सांसद महेश बस्नेत, कृष्णा कुमार श्रेष्ठ र पुर्व प्रहरी प्रमुख सर्बेन्द्र खनाल विरुद्द उजुरी दिएका हुन।
आफूलाई महोत्तरीबाट अपहरण गरी काठमाडौं ल्याएको भन्दै उनले उजुरी दिएका हुन ।
अपहरण गरी बन्धक बनाइ काठमाडौं ल्याएको भन्दै उनले यसअघि महानगरीय प्रहरी परिसर, सरकारी वकिल कार्यालय काठमाडौंमा किटानी जाहेरी दिए पनि दर्ता गर्न मनेको दिएन ।
आज बिहीबार पुल्चोकस्थित मानव अधिकार आयोग पुगेर सांसद यादवले आफूलाई अपहरण गरेको भन्दै निवदेन दिएका हुन्।
‘सत्ता र शक्तिका आडमा उनीहरूले मेरो ज्यान लिन सक्ने अझै पनि जोखिम छ,’ सांसद यादवले दिएको निवेदनमा भनिएको छ।
गत बैशाख १० गते काठमाडौंबाट गएर सांसदद्वय बस्नेत, श्रेष्ठ र पूर्वआइजिपी खनालले सांसद यादवलाई काठमाडौं ल्याएका थिए। सांसद यादवले दिएको निवेदन आयोगले बुझेको छ।
