जेठ २४, बेलबारी । आजबाट देशभरका सबै मालपोत कार्यालय खुल्ने भएका छन् । भूमि व्यवस्था तथा अभिलेख विभागले माताहतका सबै निकायलाई परिपत्र गरी आन्तरिक प्रशासन तथा अन्य आन्तरिक काम सुचारु गर्न निर्देशन दिएको छ ।
सबै मालपोत कार्यालयका कर्मचारीले आन्तरिक तयारी गरे पनि जनतासँग प्रत्यक्ष सम्बन्धित घरजग्गा पास लगायतका सेवा भने सरकारले स्पष्ट कार्यविधि तय गरेपछि मात्र गरिने विभागका भूमि प्रशासन हेर्ने शाखा अधिकृत कृष्णप्रसाद जोशीले बताए ।
अहिले कर्मचारीहरू कार्यालयमा जाने र कम्प्युटर अपडेट, अन्य अड्डाबाट आएका रोक्का आदिका काम तथा आर्थिक वर्ष सकिन लागेकाले जग्गाको मूल्याङ्कन लगायतका तयारीको काम मात्र हुने उनले स्पष्ट पारे ।
