२१ जेठ, काठमाडौं| युएफा नेसन्स लिगमा क्रोएसियाले लज्जास्पद हार बेहोरेको छ। प्रतियोगिता अन्तर्गत समुह चरणको पहिलो खेलमा क्रोएसिया अष्ट्रियासँग ३-० गोलले पराजित भएको हो।
क्रोएसियामा सम्पन्न खेलमा अष्ट्रियाका लागि मार्को अर्नाटोभिच, माइकल ग्रेगोरिट्स र मार्सेल स्याबिट्जरले समान १-१ गोल गरेका थिए। यसै समूह (समूह ए १) को अर्को खेलमा डेनमार्कले फ्रान्सलाई हराएको छ।
फ्रान्समै गएर डेनमार्कले २-१ गोलको जित निकालेको हो। डेनमार्कको जितमा आन्ड्रेयास कोर्नेलियसले दुई गोल गरे। फ्रान्सका लागि करिम बेन्जेमाले एक गोल फर्काएका थिए।
