२१ भाद्र, बेलबारी । बेलबारी नगरपालिका ८ बलुहीबाट लागूऔषध गाँजा सहित एक व्यक्ति पक्राउ परेका छन् ।
सोमबार दिउँसो विशेष सुचनाको आधारमा १ नम्बर प्रदेश प्रहरी कार्यालय RIT समूहबाट खटिएको प्रहरी टोलीले ७४ बर्षीय भबिलाल सहनीलाई लागूऔषध गाँजा सहित पक्राउ गरेको हो ।
उनको घरबाट गाँजा ७ केजी ४४५ ग्राम बरामद गरिएको जनाइएको छ । सहनीलाई ईलाका प्रहरी कार्यालय बेलबारीबाट थप अनुसन्धान भईरहेको प्रहरीले जनाएको छ ।
