काठमाडौं । नेपालमा थप १७ सय ५६ जनामा कोरोना भाइरस (कोभिड–१९) को संक्रमण पुष्टि भएको छ ।
पछिल्लो २४ घन्टामा गरिएको परिक्षणमा एन्टिजेनबाट ३९९ र पीसीआरबाट १ हजार ३ सय ५७ जनामा संक्रमण देखिएको स्वास्थ्य तथा जनसंख्या मन्त्रालयले जनाएको हो ।
थप १७ सय ५६ जनामा कोरोना संक्रमण पुष्टि भएसँगै हाल सक्रिय संक्रमितको संख्या ३३,००६ रहेको छ ।
त्यस्तै शुक्रबार थप २३ जनाको कोभिड–१९ को संक्रमणबाट थप मृत्यु भएको छ भने २२ सय ७४ जना संक्रमणमुक्त भएका छन् ।
मन्त्रालयका अनुसार पछिल्लो २४ घन्टामा १,६४,३०२ जनामा कोरोनाविरुद्धको खोप लगाइएको छ । हाल ५४० जनाको आइसीयू र १५६ जनाको भेन्टिलेटरमा उपचार भइरहेको जनाइएको छ ।
