२१ चैत, सुन्दरहरैचा । सुन्दरहरैचाको सलकपुरमा रहेको घना जंगलमा प्रहरी र सिकारी बिच गोली हानाहान भएको छ । शुक्रबार विशेष सुचनाको आधारमा शिकार खेलिरहेको बेला सशस्त्र प्रहरी बल सलकपुरको टोलीले तीन जना सिकारीलाई पक्राउ गरेको छ ।
शिकार खेलिरहेको अवस्थामा आकस्मिक भेटघाट भए पछि प्रहरी र शिकारी वीच गोली हानहान भएको हो । धेरैको संख्यामा रहेको सिकारी संग आकस्मिक भेट भएपछि सिकारीले फायर गरेको पछि त्यसको जवाफि फायर गरेको सशस्त्र प्रहरी बल सलकपुर जनाएको छ ।
सशस्त्र प्रहरीले तीन जनालाई नियन्त्रणमा लिएको छ भने बाकी चाहि फरार रहेको छ । उनीहरुको साथबाट २ नाल भरुवा बन्दुक पनि नियन्त्रणमा लिएको छ ।
पक्राउ पर्नेमा केराबारी गाउपालिका आमजुगीका ३५ वर्षिय डम्बर बहादुर जोगी, सोही ठाउका छु वर्षिय किसान कार्की र झापा धाइजनका २७ वर्षिय किरण धिमाल रहेका छन ।
