२८ भाद्र, इटहरी । इटहरी उपमहानगरपालिका वडा– १९ का वडा अध्यक्ष नारायण चौधरीलाई फोन गरेर धम्की दिदै २० लाख माग्ने व्यक्ति पक्राउ परेका छन् ।
इलाका प्रहरी कार्यालय दमक झापाको सहयोगमा वडाध्यक्ष चौधरीलाई फोन गरी गालीगलौज धम्की दिई नगद २० लाख रुपैयाँ मागी मागी फरार रहेका झापा दमक नगरपालिका १ बस्ने २४ वर्षीय पुण्यबहादुर श्रेष्ठलाई पक्राउ गरिएको हो ।
उनकै घरबाट पक्राउ गरिएको श्रेष्ठलाई मुलुकी अपराध (संहिता) ऐन– २०७४ अनुसार अभद्र व्यवहार शीर्षकमा कारबाही गर्न जिल्ला प्रशासन कार्यालय सुनसरीबाट कानुनी प्रक्रिया बढाइएको प्रहरीले जनाएको छ ।
