बेलायत । कोरोनाभाइरस संक्रमणका कारण बेलायतमा थप दुई जना पूर्व नेपाली गोर्खा सैनिकको मृत्यु भएको छ । बेलायतमा बस्दै आएको ५९ वर्षीय चेतप्रसाद गुरुङको मंगलबार नर्थवीक पार्क अस्पतालमा निधन भएको थियो ।
कोरोनाबाट मृत्यु हुने गुरुङ दोस्रो पूर्व गोर्खा सैनिक हुन् । यसअघि संखुवासभा घर भएका बेलायमा रहेका लिलाबहादुर राईको पनि कोरोनाबाट मृत्यु भएको थियो ।
बुधबार ५८ वर्षीय पूर्व गोर्खा सैनिक शिव श्रेष्ठको पनि मृत्यु भएको छ ।
पर्वतको पैयूखोला स्थायी घर भएका गुरुङ तमु धि बेलायत इकाइका वरिष्ठ उपाध्यक्ष समेत थिए ।
सोलुखुम्बु घर भएका श्रेष्ठ गत मार्च ३० सम्म नियमित काममा रहेका थिए । खोकी र ज्वरो देखिएपछि उनी आइसोलेशनमा बसेका थिए । यसअघि बेलायमा बस्ने अर्का एक नेपालीको पनि ज्यान गएको थियो ।
नेपाली लिंकको सहयोगमा
