लाइन काटेका कारण जुनसुकै बेला इन्टरनेट बन्द हुन सक्ने चेतावनी

विद्युत् प्राधिकरणले विवादित पोलभाडाको निहुँमा देशको विभिन्न भागमा इन्टरनेट सेवा प्रदायकहरूका डाटा सेन्टरमा प्रयोग भइरहेको विद्युत् लाइन काट्नाले इन्टरनेट सेवा प्रभावित भएको र थप मुख्य सहर र ठाउँहरूमा बन्द हुन सक्ने चेतावनी दिएको हो । साथै इन्टरनेट सेवा प्रदायकहरूका घरबेटीसमेतको विद्युत् लाइन काट्ने लगायतका गतिविधिले इन्टरनेट प्वाइन्टबाट इन्टरनेट सेवा प्रवाह गर्न नसकिएको आइस्पानको भनाइ छ ।

विद्युत् भाडाको विवाद समाधानको विषयमा नेपाल दूरसञ्चार प्राधिकरण र सञ्चार तथा सूचना प्रविधि मन्त्रालयको सहजीकरणपछि उच्चस्तरीय समिति गठन भएर दिएको प्रतिवेदनलाई पनि प्राधिकरणले कार्यान्वयन नगरेको इन्टरनेट सेवा प्रदायकको आरोप छ । इन्टरनेट सेवा प्रदायकहरूले आफूले प्रयोग गरेका पोलहरू स्वघोषणा गरी प्राधिकरणमा बुझाए पनि प्रतिवेदन कार्यान्वयन गर्न प्राधिकरणको बोर्डले निर्णय नगरिसकेको तथा नयाँ भाडादर कायम गर्न पूर्वाधार व्यवस्थापन तथा भाडादर सिफारिस समितिको पनि कुनै पनि बैठक नबसेको बताएका छन् ।

बिगतमा नेपाल बिधुत प्राधिकरण संग १ पोल प्रयोग गरे बापत गाऊपालिकामा रु ५०  र नगर पालिकामा रु १०० पोल भाढा तिरी सम्झौतागरि चलाउदै आएका थिए। देश संघिय व्यवस्थामा गए संगै स्थानिय सरकार र प्रदेश सरकार संग समन्वय नै नगरी एक लौटी ढंगले बिधुत प्राधिकरण र सरकारले केन्द्रबाट नै १५०% पोल भाडा वृद्धि गरि केवल र इन्टरनेट सेवा ग्राहीको ढाड भाचने काम गरेको केवल तथा इन्टरनेट व्यवसायीहरु बताउछन। कानुनि ऐन र प्रावधान अनुसार पनि बढीमा २०% मात्र बडाउने उल्लेख भएता पनि यसरि मनोमानी ढंगले पोल भाडा बढाउदा कतिपए केवल व्यवसायी बन्द हुने पनि बताए।

नेपाल दूरसञ्चार प्राधिकरण,सञ्चार तथा सूचना प्रविधि मन्त्रालयमा पनि जानकारी गराउँदै इन्टरनेट सेवा प्रदायकहरूले पत्र दर्ता गराएका छन् ।

यस्तै कक्षा १२ को परीक्षाका प्रश्नपत्र परीक्षा सुरु हुनुअघि इमेलबाट सम्बन्धित केन्द्रमा पठाइरहेको उल्लेख गर्दै परीक्षा बोर्डले इन्टरनेट सेवा प्रदायकहरूलाई पत्र पठाएकोमा जुनसुकै बेला इन्टरनेट काटिएर समस्या आउन सक्ने सेवा प्रदायकले चेतावनी दिएका छन्।इन्टरनेट सेवा बन्द हुनुमा आफूहरूको हात नभएको भन्दै सेवा प्रदायकले इन्टरनेटको कारण बेलैमा प्रश्नपत्र नपुगेमा आफूहरू जिम्मेबार नहुने बताएका छन।