जसपा नेता अशोक राईको नेतृत्वमा ‘स्थानीय तह निर्वाचन परिचालन मूल समिति’ गठन – Satabdi News

जसपा नेता अशोक राईको नेतृत्वमा ‘स्थानीय तह निर्वाचन परिचालन मूल समिति’ गठन

चैत ६, काठमाडौ । वैशाख ३० गते हुने स्थानीय निर्वाचनलाई केन्द्रित गरी जनता समाजवादी पार्टीले वरिष्ठ नेता अशोक राईको संयोजकत्वमा स्थानीय तह निर्वाचन परिचालन मूल समिति गठन भएको छ ।

चैत ५ गते बसेको जसपा मुख्यालयकाे बैठकले वरिष्ठ नेता राईको नेतृत्वमा उक्त समिति गठन गरेको हो ।जसमा राजेन्द्रप्रसाद श्रेष्ठ, महेन्द्र राय यादव, लालबाबु राउत, रेणु यादव, रकम चेम्जोङ, मो इस्तियाक राई, हेमराज राई, शिलवाल थापा, प्रकाश अधिकारीलगायत २२ जना नेताहरु छन् ।

बैठकले केन्द्रीय कार्यकारिणी समिति सदस्य प्रकाश अधिकारीकाे संयोजकत्वमा ११ सदस्यीय प्रचार-प्रसार समिति समेत गठन गरेको छ । जसमा अमरनाथ मन्डल, केशव अर्याल, पूर्ण बस्नेत, मुक्ति रिजाल, लक्ष्मण हुमागाईं, विश्वदीप पाण्डे, सुदर्शन खतिवडा, डिबी सरोज राई, प्रेमचन्द्र झा र विजय चाम्लिङ सदस्य छन् ।

निर्वाचन परिचालन मूल समितिले वैशाख ३० गते हुने स्थानीय तहकाे निर्वाचनकाे तयारी, परिचालन, अनुगमन लगायत काम गर्नेछ । प्रचार-प्रसार समितिले पार्टी र निर्वाचनका विषयलाई विभिन्न माध्यमबाट प्रचार-प्रसार गर्ने, त्यसका योजना बनाउने लगायत काम गर्नेछ ।

जसपाले यही चैत २० गतेभित्रै स्थानीय तहका सबै उम्मेदवारहरुकाे नाम छनोट गरी सोको जानकारी केन्द्रिय कार्यालयमा गराउन मातहतका समितिहरुलाई गत चैत ४ गते निर्देशन दिएको थियाे ।

यो खबर पढेर तपाईलाई कस्तो महसुस भयो ?
Like लाईक
Love खुसी
Wow उत्साहित
Sad दुःखी
Angry आक्रोशित
You have reacted on "जसपा नेता अशोक राईको नेतृत्वमा ‘स्थानीय तह निर्..." A few seconds ago

सम्बन्धित खवर