२९ वैशाख २०७८, बुधबार । प्रधानमन्त्री केपी ओलीले बागमती प्रदेश सभाका सदस्य तथा नेकपा (एमाले)का केन्द्रीय कमिटी सदस्य पशुपति चौलागाईंको निधनप्रति दुःख व्यक्त गरेका छन् ।
उनले आज विज्ञप्ति जारी गर्दै यस दुःखद घडीमा चौलागाईंप्रति श्रद्धासुमन अर्पण गर्दै निधनबाट शोकमा परेका आफन्त, परिवारजन र शुभेच्छुकप्रति समवेदना प्रकट गरेका छन् ।
एमाले अध्यक्षसमेत रहेका प्रधानमन्त्री ओलीले चौलागाईंको निधनबाट पार्टीले एक असल र निष्ठावान नेता तथा दोलखाका जनताले इमानदार जनप्रतिनिधि गुमाएको बताए । कोभिड– १९ को संक्रमणका कारण मंगलबार उनको निधन भएको थियो ।
