वैशाख ३०, बेलबारी । बेलाबारी वडा नं. १० भाउन्ने बजार व्यवस्थापन समितीका अध्यक्ष विक्रम तामाङको अगुवाईमा साथै स्थानीय समाजसेवी युवाहरु र अग्रजहरुको उपस्थितिमा भाउन्ने आसपासका ५४ ज्याला मजदुरी गर्ने विपन्न घर परिवारलाई खाद्यान्न राहत वितरण गरेको छ ।
उक्त राहत वितरणको लागि आफ्नो गाउँ समाजलाई माया गर्ने सहयोगी मनका धनी मलेसिया जोरबारु पहाड (GS) समाजसेवा क्लबमा आबद्ध समाजसेवी युवाहरु प्रमोद मोक्तान, राम परियार, बिमल पोखरेल, महेन्द्र केरुङ र मिथुन बिराजीले रु. ६० हजार आर्थिक सहयोग गरेका छन् ।
विश्व आज कोरोना भाइरस (COVID-19) ले आक्रान्त भैरहेको अवस्थामा यस्तो सरुवा महामारी रोगले गर्दा विश्वमा ठुलो धनजनको क्षति भैरहेको छ तसर्थ रोगले भन्दा पनि भोकले कोहि मर्न नपरोस भनी भाउन्ने बजार व्यवस्थापन समितीका अध्यक्ष विक्रम तामाङले जानकारी गराए ।
यस अघि पनि भाउन्ने युथ क्लबको अगुवाईमा ८० घर विपन्न मजदुर परिवारलाई खाधन्न राहत वितरण गरिएको र यस विपतको घडीमा हुदा खानेलाई रोगले भन्दा भोकले अघि मर्न नदिन सबैले आ-आफ्नो तवरले सक्ने सहयोग गर्नुपर्ने कुरा कार्यक्रम संयोजक विवेक छिन्नालले शताब्दी न्युजलाई बताए।