बैशाख १९, बेलवारी । बेलबारी नगरपालिका स्थित वार्ड न -८ राधानगरमा मोटरसाईकल दुर्घटनामा परी १ जनाको मृत्यु भएको छ भने १ जना घाईते भएका छन् ।
बुधवार राती ११ बजे राधानगरको भित्री सडक खण्डमा उत्तरबाट दक्षिण तर्फ जाँदै गरेको को २८ प ७४५४ नम्बरको मोटरसाईकल आफै अनियन्त्रीत भई रूखमा ठोक्किएर दुर्घटना हुँदा मोटरसाईकल चालक सौजन कार्कीको मृत्यु भएको छ ।
मोटरसाईकल चालक स्थानीय २१ बर्षीय सौजन कार्की र सोही मोटरसाईकलको पछाडी सवार रहेका स्थानीय २२ बर्षीय साने तामाङलाई उपचारको लागी नोबेल अस्पताल पठाईएको छ भने चालक कार्कीको उपचारको क्रममा राती साँढे १२ बजे मृत्यु भएको ईलाका प्रहरी कार्यालय बेलवारीले जनाएको छ ।