१९ मङ्सिर, ताप्लेजुङ। ताप्लेजुङको सदरमुकाम फुङ्लिङ बसपार्क नजिकैको तागेरा होटलमा एक पुरुष मृत भेटिएका छन्। मोरङ पथरी शनिश्चरे नगरपालिका वडा नं ९ बस्ने ३६ वर्षीय अशोक भनिने भीमकुमार मादेन मृत भेटिएको जिल्ला प्रहरी कार्यालय ताप्लेजुङका प्रहरी निरीक्षक विष्णुबहादुर खड्काले जानकारी दिए।
उनका अनुसार ताप्लेजुङ घुम्न आएको र उनी होटल बुक गरेर कोठामा छिरेका थिए। महिला आफन्तसहित होटलमा बसेका मादेनको मृत्यु भएपछि ती महिला आफन्त र होटल साहुले प्रहरीलाई खबर गरेका थिए। उनको साथबाट उनले प्रयोग गर्दै आएका मुटुको औषधी पनि भेटिएको प्रहरीले जनाएको छ।
‘मृतक मादेन प्रेशर र मुटुका बिरामी रहेको थियो ।’प्रहरी निरिक्षक खड्काले भने ‘उनको मृत्यु सोहि रोगका कारण हुनसक्ने प्रारम्भिक अनुमान गरेका छौ।’ घटनाका बारेमा अनुसन्धान जारी रहेको र शव पोस्टमार्टमपछि आफन्तलाई जिम्मा लगाउने तयारी भइरहेको जानकारी खडकाले जानकारी दिए।
