कविता "उखु" श्रवण मुकारुङ – Satabdi News

कविता “उखु” श्रवण मुकारुङ

श्रवण मुकारुङ

मात्र उखुको
कविता हुन सक्दैन
तर,
जब उखु
सुदूर पहाडको जङ्गलबीच उकालो चढिरहेको
कुनै छापामारको काँधको बन्दुकजस्तो देखिन्छ
जब उखु
सत्याग्रहमा
महात्मा गान्धीले टेकिहिँडेको डण्डीजस्तो देखिन्छ
वा,
उखुलाई
उखु किसानले नै अरू केही देख्न थाल्नेछन्
जस्तो, घरेलु हतियार
तब,
उखुको कविता हुन्छ
मात्र उखुको
कविता हुन सक्दैन ।

 

यो खबर पढेर तपाईलाई कस्तो महसुस भयो ?
Like लाईक
Love खुसी
Wow उत्साहित
Sad दुःखी
Angry आक्रोशित
You have reacted on "कविता “उखु” श्रवण मुकारुङ" A few seconds ago

सम्बन्धित खवर