जेठ ०६, बेलबारी । बेलबारी नगरपालिकाको प्रमुख पदमा नेकपा एमालेका नेता दिल प्रसाद राई (डिपी) निर्वाचित भएको छ ।
नेपाली काँग्रेसका नेता महेन्द्रप्रसाद सुवेदीलाई ८ सय २ मत ले पछि पार्दै नेकपा एमालेका उम्मेदवार दिलप्रसाद (डिपि) राई विजयी भएका हुन् । राईले १६ हजार ४ सय २२ मत प्राप्त गर्दै विजयी हासिल गरेका छन् भने प्रतिद्धन्द्धि काँग्रेसका सुवेदीले १५ हजार ६ सय २० मत प्राप्त गरेका छन् ।
त्यस्तै उपमेयरमा नेपाली काँग्रसका बेलबारी नगर उपसभापति समेत रहेका नितु थापा विजयी भएकी छिन् । उपमेयर थापाले १३ हजार ७ सय ३९ मत प्राप्त गर्दा उनकी निकटतम प्रतिद्धन्द्धि एमालेकी तिलाकुमारी न्यौपानेले १३ हजार ६ सय ५ मत प्राप्त गरेकी छिन् ।
