२३ जेठ, काठमाडौं । नेपालमा थप ३ हजार ४७९ जनामा कोरोना भाइरसको संक्रमण पुष्टि भएको छ । स्वास्थ्य तथा जनसंख्या मन्त्रालयको विवरणअनुसार आइतबार १० हजार ४७१ जनाको पिसिआर र ३ हजार २६२ जनाको एन्टिजेन परीक्षण गर्दा यो तथ्यांक आएको हो ।
स्वास्थ्य मन्त्रालयका अनुसार पछिल्लो २४ घण्टामा काठमाडौं उपत्यकामा मात्रै ११ सय ३१ जनामा संक्रमण पुष्टि भएको छ । जसमा काठमाडौंमा ७३१, ललितपुरमा १४६ र भक्तपुरमा २५४ जनामा कोरोना संक्रमण पुष्टि भएको हो । यस्तै, एकैदिन ९९ जनाले कोरोनाकै कारण ज्यान गुमाएका छन् । ६ हजार ६३६ जना कोरोनालाई जितेर घर फर्किएका छन् ।