कार्तिक २५, बेलबारी । नेपालमा पछिल्लो २४ घण्टामा थप २७ सय ३६ जना कोरोना भाइरसका संक्रमित थपिएका छन् । यससँगै नेपालमा कोरोना संक्रमित संख्या कुल १ लाख ९९ हजार ७६० जना पुगेको छ । सो तथ्यांक मंगलबार स्वास्थ्य मन्त्रालय बताएको छ ।
यता, पछिल्लो २४ घण्टामा ८ सय ५३ जना कोरोना संक्रमित निको भएका छन् । योसँगै, हालसम्म संक्रमणबाट निको हुनेको संख्या १ लाख ६० हजार ५७७ जना पुगेको छ । पछिल्लो २४ घण्टामा २२ जनाको ज्यान गएको छ । नेपालमा कोरोनाबाट ज्यान गुमाउनेको संख्या अहिलेसम्म ११ सय ४८ जना पुगेको छ ।