असोज १३, बेलबारी । संगीतिक रियालिटी सो नेपाल आइडल ३ को फस्ट रनरअप बन्न सफल गायक प्रविन बेडवालको नयाँ गीत ‘मुटु भित्र राख्छु तिमीलाई’ सार्वजनिक भएको छ ।
प्रविन बेडवालको स्वर रहेको गीत ‘मुटु भित्रै राख्छु तिमी लाइ‘मा दुर्गा प्रसाद कडरियाको शब्द र रमेश कडरियाको संगीत रहेको छ । यस्तै कलाकारको रुपमा नवराज सिंह खड्का र प्रतिशा रिजालले मुख्य भूमिकामा रहेका छन । नवराज सिंह खड्काको भने यो पहिलो भिडियो अभिनय रहेको उनले बताए ।
यता संगीत संयोजन उदयराज पौडेलले गरेका छन् भने भिडियोका निर्माता तथा गीतकार दुर्गा प्रसाद कडरिया आफै रहेका छन । कडरियाले म्यूजिक भिडियो दुर्गाप्रसाद कडरिया नामक आफ्नै युट्युब च्यानलबाट रिलिज सोमबार गरेका छन् ।