श्रावण २०, सुन्दरहरैचा । मोरङको सुन्दरहरैचा नगरपालिकाले बिहिबारबाट लकडाउन गर्ने निर्णय गरेको छ ।
आज बसेको नगर कार्यपालिकाको बैठकले नौ दिन सम्मका लागि लकडाउन गर्ने निर्णय गरेको हो । नगर भरिका बजार, पार्लर, सैलुन, जिमखाना, फेन्सी स्टोर, सुनचादी पसल, हार्डवेयर लगायत सार्वजनिक यातायात समेत बन्द हुने भएका हुन् ।
नगरपालिका वा वडा कार्यालयबाट हुने दैनिक प्रशासनिक कार्यहरु सम्पुर्ण बन्द हुने सुन्दरहरैचा नगरपालिकाले बताए । नगरपालिकाले अत्यावश्यक काम हिड्दा अनिवार्य रुपमा मास्क प्रयोग गर्न आग्रह गरेका छन् । लकडाउन साउन ३० गते शुक्रबारसम्म हुने निर्णय भएको छ ।
