असार १४, बेलबारी । बेलबारी नगरपालिकाले आफ्नो क्षेत्र भित्रका किसानलाई मिनिटिलर तथा मकै छोडाउने थ्रेसर वितरण गरेको छ ।
बेलबारी नगरपालिकाले नगर भित्रका १६ जना कृषकलाई मकै छोडाउने थ्रेसर मेसिन र ५ जना मिनिटिलर बितरण गरीएको हो । नगरका विभिन्न वडाका कृषक समूह छनोट गरी खेतबारी जोत्ने मिनिट्रयाक्टर तथा थ्रेसर बितरण गरीएको हो ।
कृषिलाई आधुनिकीकरण र वैज्ञानिककरण गर्दै कृषि उत्पादन तथा उत्पादकत्व बृद्धि गर्न सहयोग गर्ने उदेश्यले कृषक तथा कृषक समुहलाई अनुदानमा औजार बितरण गरिएको नगर प्रमुख ज्ञानेन्द्र सुवेदीले बताए । परम्परागत खेतिलाई आधुनिक खेतिमा रुपान्तरण गर्दै जाने नगर प्रमुख सुवेदीले बताए ।
केहि दिन अघि मात्रै सिचाइका लागि पानी तान्ने मोटर नगरपालिकाले वितरण गरेको थियो ।
