जेठ २६ , बेलबारी । मोरङमा सोमबार मात्र थप ९ जनामा कोरोना संक्रमित देखिएको छ । मोरङको धनपालथान गाउँपालिकामा पाँच जनामा कोरोना संक्रमण पुष्टि भएको हो । यसै गरी लेटाङ नगरपालिका र रतुवामाई नगरपालिकामा पनि २/२ जना कोरोना संक्रमित भएको छ ।
भारतबाट आएका तीन पुरुष सहित ३० वर्षीय महिला र १२ वर्षीय बालक रहेको धनपालथान गाउपालिकाले जनाएको छ ।
यसै गरी लेटाङ नगरपालिकाकामा २९ र ३० वर्षीय पुरुषमा संक्रमण देखिएको लेटाङ नगरपालिकाले जनाएको छ । हाल अहिले उनीहरु क्वारेन्टिनमा रहेको जानकारी आएको छ ।
त्यस्तै रतुवामाई नगरपालिकामा थप दुईजनामा संक्रमण देखिएको रतुवामाई नगरपालिकाका प्रमुख प्रशासकीय अधिकृत राजेन्द्र भट्टराईले बताए ।
मोरङमा कोरोना संक्रमितको संख्या २८ पुगेको छ भने जस मध्ये आज ९ जना थपिए ।
