चैत २४, बेलबारी । भक्तपुरको खरिपाटीस्थित विद्युत प्राधिकरण तालिम केन्द्रको क्वारेन्टाइनमा राखिएका ९४ जनाको कोरोना भाइरस संक्रमणको रिपोर्ट नगेटिभ आएको छ । आइतबार स्वास्थ्य तथा जनसंख्या मन्त्रालयले गरेको पत्रकार सम्मेलनमा मन्त्रालयका प्रवक्ता डा. विकास देवकोटाले खरिपाटी क्वारेन्टाइनमा रहेका सबैको रिपोर्ट नेगेटिभ आएको बताएका छन् ।
शुक्रबार राष्ट्रिय जनस्वास्थ्य प्रयोगशालाले विभिन्न मुलुकबाट आई क्वारेन्टाइनमा बसेका ९४ जनाको थ्रोट स्वाब संकलन गरेको थियो । यसअघि चीनको बुहानबाट उद्धार गरिएका १ सय ७५ जना विद्यार्थीलाई खरीपाटी क्वारेन्टाइनमा राखिएको थियो । उनीहरुमा पनि कोरोना संक्रमण देखिएको थिएन ।
