३० वैशाख २०७८, बिहीबार । सगरमाथा आरोहणका क्रममा दुई विदेशी आरोहीको मृत्यु भएको छ । स्विट्जरल्यान्डका आरोही अब्दुल वाहिड वारैच र अमेरिकी आरोही लिउ पुवेईको आरोहणकै क्रममा बिहीबार मृत्यु भएको सगरमाथा आधार शिविरका सम्पर्क अधिकृत ज्ञानेन्द्र श्रेष्ठले जानकारी दिए । श्रेष्ठका अनुसार उनीहरू ट्राभल एजेन्सी सेभेन समिटबाट सगरमाथा आरोहणका लागि गएका थिए ।
स्विट्जरल्यान्डका वारैच समिट गरेर साउथमा आएर बसेका थिए । त्यहाँबाट उठेर हिँड्न नसकेका उनको बसेकै ठाउँमा मृत्यु भएको हो । त्यहाँ शेर्पा पठाउँदासमेत जान नसकेको श्रेष्ठले बताए ।
अमेरिकन आरोहीको हिलारी स्टेप पुगेपछि स्नोब्लाइन्ड भएको र क्याम्प ४ मा ल्याउँदै गर्दा मृत्यु भएको सम्पर्क अधिकृत ज्ञानेन्द्र श्रेष्ठले बताए ।
