श्रावण १२, धरान । धरानको पालिका तरकारी बजारमा आगलागी भएको छ । सोमबार बिहान करिब ५ बजे देखि आगो लागेको हो ।
धरान उपमहानगरपालिकाको दमकल र स्थानीयबासीहरुको सहयोगमा आगो नियन्त्रणमा आएको छ । तरकारी बजारमा भएको आगलागीमा परेर ११ पसल भन्दा बढी जलेर नष्ट भएका छन् । बजारको अघिल्लो भागमा रहेको कस्मेटिक पसल तथा फलफुल पसलको लाइनमा क्षति धेरै पुगेको हो । आगलागीको क्षति र कारण बारे अनुसन्धान भईरहेको ईलाका प्रहरी कार्यालय धरानले जानकारी दिएका छन् ।
