बैशाख १, बेलबारी । सोमबार चीनमा कोरोना भाइरसका १ सय ८ जना नयाँ संक्रमित भेटिएका छन् । यो ५ साता भन्दा लामो समय पछि कै उच्च संख्या हो । संक्रमित मध्ये धेरै जसो विदेशबाट फर्किएका चिनियाँ नागरिकहरू रहेको बताइएको छ ।
संक्रमित हुनेमा आधा भन्दा बढी मानिस रुससँगको सीमा जोडिएको उत्तरी प्रान्त खेलुङजियाङका रहेका छन् । कोरोना भाइरस सुरुमा देखा परेको हुबे प्रान्तमा भने नयाँ संक्रमितको संख्या एकदमै कम रहेको चिनियाँ सञ्चार माध्यमहरुले उल्लेख गरेका छन् ।
