२३ मंसिर, काठमाडौँ । राष्ट्रिय परिचय पत्र तथा पञ्जीकरण विभागले ६ जिल्लाको लागि ६ सय जना कर्मचरीको माग गरेको छ । राष्ट्रिय परिचय पत्र वितरण कार्यका लागि विभागले करारमा कर्मचारी माग गरेको हो ।
झापा, ललितपुर, कञ्चनपुर, संखुवासभा, गुल्मी र चितवनका लागि आवेदन गरिएको विभागले जनाएको छ । योग्यता पुगेका इच्छुक नेपाली नागरिकले २०७६ पुष ७ गतभित्र सम्बन्धित जिल्लाको जिल्ला प्रशासन कार्यालयमा १० रुपैयाँको टिकट टाँसि दरखास्त दिनुपर्ने छ ।
नेपाली नागरिकलाई राष्ट्रिय परिचय पत्र उपलब्ध गराउन घुम्ती सेवा सञ्चालन गरेको विभागले जनाएको छ ।
